Drejtoria e Burgjeve i dha sot leje Kostandin Xhuvanit për të marrë pjesë në ceremoninë mortore të babait të tij, Gjergj Xhuvani, i cili u nda nga jeta pak ditë më parë.
Në fotot e mëposhtme, shihet djali i kineastit të mirënjohur, i cili i jep lamtumirën e fundit të atit me pranga në duar, kokëulur dhe i rrethuar nga gardianët e burgut. Fotot tregojnë momentet mjaft prekëse, teksa bashkëshortja e Xhuvanit, aktorja e mirënjohur ,Luiza Xhuvani, shfaqet e kapur dorë për dore me të bijën dhe djalin.
Kostandin Xhuvani është dënuar me 35 vite burg për vrasjen e katër personave. Siç shihet në foto, i riu ka ndryshuar jo pak pamje, që kurse ishte në liri në vitin 2014.
Kostandini është i biri edhe i aktores së njohur Luiza Xhuvani, ish-deputete e Parlamentit të Shqipërisë.
