Ekskluzive/ Tregtarët rikthehen të shesin sërish te “Brryli” në rrugë, Policia Bashkiake ju bllokon mallin
Mesa duket bashkia Tiranë i ka vendosur piketat e qarta dhe një punë që bëhet nuk do të shbëhet më.
Kjo në fakt ka ndodhur sonte, ku një grup shitësish të vegjël kanë marrë placket dhe kanë dalë të shësin sërisht në hapsirën publike te zona e quajtur “Brryli” në Tiranë, por që janë ndaluar nga Policia Bashkiake duke ju konfiskuar mallin.
Ishte pikërisht kjo zonë e cila u lirua nga rrobat që shiteshin në rrugë dhe vetë kryebashkiaku Veliaj e promovoi në facebook si shembull që do ndiqet edhe në vendet e tjera në bashkinë e Tiranës.
Mirëpo pavarsisht kësaj, shitësit kanë dalë sërisht në rrugë për të shitur, por Policia Bashkiake ju ka konfiskuar mallin (rrobat).
Javanews.al ka siguruar këto foto të cilat tregojnë momentin kur policia nuk ka lejuar shitësit të zaptojnë hapsirat publike duke ju konfuskuar kështu mallin që ata kishin nxjerrë në rrugë.
Ndër vite është vepruar në mënyrë të tillë që jepej një urdhër i cili shkilej pa problem të nesërmen. Urojmë që kjo të mos vazhdojë më dhe hapsirat publike të mbeten të tilla dhe rrugët të kenë sado pak dinjitet.
