Ministrja e Inovacionit dhe Telekomunikacionit, Milena Harito pas publikimit të fotove intime të Dritan Priftit nën shoqërinë e një vajze ka paralajmëruar të gjithë deputetët dje në parlament të bëjnë shumë kujdes se mund ta pësojnë, pasi në ditët e sotme asgjë nuk fshihet.
“Kujdes me të gjitha gjërat që bëni! Me të gjitha gjërat! Nuk kemi asnjë shans më, që të mos jemi transparentë. Asnjë!
E them këtë sot para jush me shumë kënaqësi. Këtu jemi të gjithë bashkë, të ndërgjegjshëm, se çdo hap i jetës sonë, publike dhe private është i gjurmueshëm sot, nesër dhe për fat të keq edhe përjetësisht, sepse bota dixhitale riprodhohet, por nuk shuhet”,
është shprehur Milena Harito, duke nënkuptuar se çdo kush duhet të bëjë kujdes, pasi fuqia e internetit dhe bota dixhitale nuk të fal për transparencë.
