Zjarri masiv në fshatin Çorrush të Mallakastrës shkaktoi dëme të shumta te banorët. Bilanci i autoriteteve pas shuarjes së flakëve flet për shkrumbimin e mbi 100 hektarëve me kultura të ndryshme, 3 banesa, 100 koshere bletësh dhe mbi 4500 rrënjë ullinj shekullorë e të rinj.
Në fshatin e Çorrushit ishte sot për inspektim deputeti i PS në Mallakastër i zgjedhur në 25 Qershor, Ismet Beqiraj. Ai tha se banorët duhet të dëmshpërblehen sipas ligjit. Po ashtu, sipas Beqirajt, nevojitet një reformim i thellë i isntitucioneve që kanë për detyrë mbrojtjen e pasurive kombëtare.
“Shteti të gjendet pranë banorëve dhe të dëmshpërblehen sipas ligjit. Neovjitet reformim i thellë i isntitucioneve që kanë për detyrë mbrojtjen e pasurisë kombëtare dhe qytetare. Emergjencat Civile të jenë një strukturë më efikase dhe e pajisur me bazën materiale të nevojshme për rastet e emergjencave”, tha deputeti Beqiraj.
