Në Durrës iu dha lamtumira e fundit katër anëtarëve të familjes Reçi që humbën jetën nga tërmeti shkatërrimtar i 26 qershorit.
Eduard Reçi, 54 vjeç, bashkëshortja e tij, Dolora Reçi, 49 vjeç, si dhe dy fëmijët Kristi Reçi, 25 vjeç dhe Kalus Reçi, 21 vjeç, humbën jetën nën rrënojat e banesës së tyre në zonën pranë stadiumit të Durrësit.
Homazhet për familjen Reçi u mbajtën tek Pallati i Kulturës, nga ku familjarët dhe dhjetëra qytetarë u dhanë lamtumirën e fundit.
Familja Reçi me katër anëtarë është një nga familjet e goditura më rëndë nga tragjedia e 26 Nëntorit.
Kristi Reçi ishte vajza që studionte Mjekësi.
Ajo ëndërronte që të bëhej mjeke, por nuk ia doli. Kristi është vajza e xhaxhait të këngëtares dhe moderatores së njohur Evi Reçi, fakt që e bëri publik në rrjetet sociale vetë këngëtarja.
25-vjeçarja studionte në Universitetin e Mjekësisë në Tiranës dhe rektori i këtij insititucioni, Arben Gjata konfirmon se tërmeti i 26 nëntorit preu në mes ëndrrat e mjekes së ardhshme nga Durrësi.
g.kosovari
