Aleanca Kundër Importit të Mbetjeve organizoi sot protestën e paralajmëruar kundër ligjit të ri. Në protestë ishte i pranishëm edhe deputeti i LSi Përparim Spahiu i cili ishte shprehur kundër ligjit dhe se do të bëhej pjesë e protestës. Kujtojmë që Spahiu garon edhe për kreun e LSI përballë kryetarit aktual Ilir Meta.
Sipas Nismës Thurje, protesta e sotme kundër importit të mbetjeve ka pasur edhe një vajzë simbol të rezistencës qytetare. Nisma Thurje ka publikuar edhe foton e vajzës që ka marrë pjesë në protestën e vitit 2011 kur ishte 5 vjeç dhe sot është parë sërish para kryeministrisë, për të protestuar për të njëjtën çështje.
“Ne foton e pare ishte 5 vjeç dhe protestonte kundër importit te plehrave. Sot është 10 vjeçe dhe sërish ishte në protestën kundër importit të plehrave!!!”, shkruhet në foto.
