Janë në pritje të vendimit të gjykatës angleze në “Manchester Crown Court” një çift shqiptarësh, të arrestuar pas përfshirjes së tyre në trafikun e drogës. Mediat e huaja raportojnë se Besnik Hoxha, 32-vjec dhe gruaja e tij Ifigjenia Cipi, 31-vjec ishin përfshirë në një rrjet kriminal të trafikut të drogës që përfshinte disa zona kyçe në Angli.
Burri siguronte paratë dhe ia kishte kaluar gruas në depozitë, një prej të cilave 22 mijë paund. Ndërkohë që të dy kishin përdorur emra të rremë, karta të rreme identiteti, madje edhe me kombësi greke.
Gruaja nga ana e saj, rezultonte frekuentuese e rregullt e qendrave luksoze të bukurisë ku shpenzonte shuma parash të konsiderueshme. Emri i Hoxhës u lidh direkt me fermën e madhe të kanabisit, në të cilin ishin së paku të përfshirë 20 persona dhe kishte shtrirje në Manchester, Sheffield dhe Swindon.
Cifti ka dy fëmijë dhe jeton në Cedric Road, Crumpsall. Atyre u janë dokumentuar shumë udhëtime me shpenzime të larta, një mënyrë që sipas hetuesve duket të jetë bërë për pastrimin e parave të drogës.
Besnik Hoxha
Ifigenia Cipi
