Ceremonia e hapjes për Lojërat Olimpike Dimërore të 2018-s në Pieonchang të Koresë së Jugut, ndërmjet dritave dhe fishekzjarrëve të shumta, qe një prelud i një panorame të gjerë simbolike në përpjekje për të rigjetur paqen.
Hapja spektakolare u karakterizua nga fëmijë që performonin, kukulla gjigande, dhe mijëra kërcimtarë që festuan historinë dhe bashkimin e Koresë. Brenda një stadiumi me 30.000 njerëz, kishte edhe një skuadër me 200 kërcimtarë nga Koreja e Veriut, të cilët performuan në një temperaturë -3 gradë celsius, në përpjekje për ta mbajtur publikun ngrohtë.
Parada e kombeve shfaqi flamurë të shumtë dhe arriti kulmin kur atletët e të dy Koreve hynë me një flamur të përbashkët. Presidenti i Koresë së Jugut Moon Jae-in dhe kreu ceremonial i shtetit të Koresë së Veriut Kim Yong Nam, të cilët pak më parë kishin bërë një shtrëngim historik duarsh, duartrokitën dhe brohoritën bashkë teksa ekipet hynin. Ndërkohë, motra e Kim Jon Un-it, u pa të qëndronte e ulur vetëm një rersht pas zv.presidentit amerikan Mike Pence. /MA.ME
