Walt Disney njihej për mesazhet e fshehta dhe detajet në parqet dhe filmat e tij.
Por një nga sekretet më të mirëruajtura është ‘Club 33’ në Kaliforni.
I ndërtuar si një strehë për personazhet e famshëm, politikanët, aktorët, këngëtarët dhe financierët, ai është një nga vendet më misteriozë në botë.
Klubi, që ka për anëtarë emra të njohur si Elton John, Christina Aguilera, Tom Hanks apo Elizabeth Taylor, ka vetëm një numër të vogël ‘33’ në një tabelë në hyrje.
Klubi u shërben vetëm anëtarëve dhe përbëhet nga një restorant dhe një ‘lounge’ për muzikë xhaz.
Në klub anëtarësohesh vetëm me ftesa dhe me një pagesë goxha të lartë.
Në varësi të nivelit të anëtarësisë, pagesa nis nga 30 mijë deri në 100 mijë dollarë për t’u anëtarësuar dhe më pas deri në 40 mijë dollarë pagesë vjetore.
Disa mund të aplikojnë për anëtarësim, por u duhet të presin shumë, madje edhe deri në fund të jetës mund të mos bëhen anëtarë./a.m.
