Prej ditës së sotme, Bar Austria, lokali ngjitur me godinën e Partisë Socialiste nuk do të ekzistojë më.
Fadromat e Bashkisë së Tiranës e kanë shembur sot paradite godinën, ku deri dje mblidheshin militantët e Partisë Socialiste.
Ambienti, pronë e Partisë Socialiste, i ishte dhënë me qira një biznesmeneje e cila e kishte kthyer në restorant dhe bar kafe.
Gjatë kohës që Partia Socialiste ishte në qeveri, por edhe në opozitë, kafja e Austrisë ishte vendi ku militantët takoheshin me deputetët dhe në ditë me fat edhe me ministrat për tiu kërkuar t’u zgjidhin hallet e tyre.
Godina është prishur për ti shërbyer planit të Bashkisë së Tiranës për kthimin e Sheshit Skënderbej në pedonale./Panorama
