FOTOT/ Banka e Shqipërisë vendos afatin e fundit për këmbimin e kartëmonedhave të vjetra

Banka e Shqipërisë njofton se fundi i këtij viti, 31 dhjetor, do të jetë mundësia e fundit për këmbimin e kartëmonedhave të vjetra që tashmë janë pa kurs ligjor.

Sipas njoftimit nga Banka e Shqipërisë, kartëmonedhat do të vazhdojnë të këmbehen deri më datë 31 dhjetor 2023, pranë çdo sporteli të bankave të nivelit të dytë.

Mbështetur bazuar në vendimin e Këshillit Mbikëqyrës të Bankës së Shqipërisë nr.17, datë 13.2.2013 “Për shtyrjen e afatit të këmbimit të disa kartëmonedhave pa kurs ligjor”, Banka e Shqipërisë njofton se data 31 dhjetor 2023 është afati i fundit për këmbimin e kartëmonedhave pa kurs ligjor si më poshtë/m.j

-100 Lekë, emetim i viteve 1993, 1994, 1996, imazhi i Luftëtarit Kombëtar

-100 Lekë, emetim i vitit 1996, imazhi i Fan S. Nolit

-200 Lekë, emetim i viteve 1992, 1994, 1996, imazhi i Ismail Qemalit

-500 Lekë, emetim i viteve 1991,1992,1993,1996,1997, imazhi i vajzës me lule dielli

-500 Lekë, emetim i viteve 1992, 1994, 1996, imazhi i Naim Frashërit

-1000 Lekë, emetim i viteve 1992,1994,1995,1996, imazhi i Skënderbeut