Mbrëmë u mbajt edicioni i 91-të i ndarjes së çmimeve Oscar në Dolby Theatre në Hollywood. E gjithë vëmendja e mediave ndërkombëtare ishte mbrëmë tek kjo natë e cila u shoqërua me mjaft emocione, ndërsa çmimi i parë u fitua nga “Green Book”.
Ndërkohë, një tjetër moment i veçantë ishte edhe parakalimi i aktorëve në tapetin e kuq. Dhe këtu nuk kishte se si kamera mos fiksonte aktorin dhe këngëtarin amerikan Billy Porter.
49-vjeçari teksa ecte në tapetin e kuq tërhoqi jo pak vëmendjen me veshjen e tij. Ai mbante në pjesën e sipërme të trupit një smoking, ndërsa pjesa e poshtme ishte një fustan i mirëfilltë.
Veshja e tij është dizenjuar nga Christian Siriano, ndërsa mijëra kamera dhe aparatë fotografikë ishin të pozicinuar drejt tij.
