Pesë persona kanë humbur jetën dhe më shumë se 50 të tjerë janë lënduar në një aksident të tramvajit, i cili doli nga binaret dhe u rrotullua sot në mëngjes si pasojë e një stuhie shiu në jug të Londrës, njofton policia.
Punëtorët emergjent janë ende në vend të ngjarjes në Croydon, më shumë se gjashtë orë pas aksidentit, duke tentuar t’i lirojnë njerëzit e ngecur nën rrënoja të dy vagonëve të tramvajit, i cili u rrotullua në buzë një nënkalimi, transmeton Express.
Policia e Transportit e Britanisë ka thënë se një person është arrestuar – që raportohet se është shoferi i tramvajit – dhe se hetuesit e aksidenteve hekurudhore janë duke e hetuar shkaktarin e aksidentit./a.m.
