Një aksident fatmirësisht pa pasoja në njerëz ka ndodhur vetëm pak momente më parë pranë ‘Zogut të Zi” në Tiranë.
Një makinë tip Mercedes Benz humbi kontrollin dhe përfundoi në trotuar duke marrë përpara një tabele reklamash të bashkisë.
Aksidenti shkaktoi zhurmë të madhe duke bërë që banorët e pallateve përreth të dalin të tmerruar në ballkone e dritare. Nuk dihet ende shkaku i saktë i aksidentit por mendohet se faktor kryesor ka qenë mosrespektimi i semaforit.
