Ngjarja ka ndodhur në afërsi të fshatit Mabë, ku janë përplasur 4 automjete. Sipas burimeve paraprake, 4 personat janë transportuar në spitalet e Shkodrës dhe Lezhës në gjendje të rëndë.

Janë tmerruese pamjet e aksidentit të ndodhur pasditen e sotme në aksin Shkodër-Lezhë, në afërsi të fshatit Mabë, ku raportohen tashmë 7 të plagosur.

Katër automjetet e përfshira tregojnë për një impakt të fortë, ku një nga mjetet ka përfunduar në fushat që ndodhen poshtë rrugës, dhe një tjetër është përplasur me një shtyllë.

Në një nga automjetet e tjera, me targa italiane, ka dalë ndenjësja e një foshnje, që raportohet tek të plagosurit, të cilët janë transportuar në spitalet e Shkodrës dhe Lezhës, ku disa raportohen në gjendje të rëndë.