Aksident me pasojë tre persona të plagosur është regjistruar mëngjesin e kësaj të shtune në autostradën Levan- Vlorë.
Ngjarja ka ndodhur në afërsi të fshatit Novoselë, ku makina tip “Fiat” me targa AA430MC ka aksidentuar një makinë tip “Opel” me targa AA186DV.
Nga informacionet paraprake flitet për tre të plagosur, ndërsa raportohet se njëri prej tyre ndodhet në gjendje më të rëndë shëndetësore, por fatmirësisht jashtë rrezikut për jetën.
Paraprakisht dyshohet se shkak për këtë aksident të jetë bërë shpejtësia e madhe me të cilën udhëtonin automjetet përgjatë autostradës.
Policia e cila ndodhet në vendin e ngjarjes ka nisur hetimet për zbardhjen e plotë të rrethanave të aksidentit./a.m.
