Hancock u kap këtë javë duke u puthur me ndihmësen e vet të martuar, Gina Coladangelo.

Publikimi i fotove shokoi Britaninë, pasi të dy personazhet janë të martuar.

Matt Hancock u kap mat nga tabloidi “The Sun” duke u puthur me ndihmësen e tij dhe në reagimin e tij të parë ndaj skandalit, zyrtari i lartë nuk kërkoi falje, por pranoi se ka thyer rregullat e distancimit social.

“The Sun” bëri me dije se fotot e Hancock dhe ndihmëses së tij, të dy të martuar, janë shkrepur brenda Ministrisë së Shëndetësisë, në fillim të muajit maj.

Menjëherë, pas publikimit të videos, u rritën zërat që kërkonin dorëheqjen e tij dhe tashmë ajo është një realitet.

Kreu i Partisë Laburiste, Annaliese Dodds, tha: “Nëse Matt Hancock ka pasur një marrëdhënie të fshehtë me këshilltaren e tij, të cilën e ka punësuar vetë dhe e paguan me taksat e popullit, është një abuzim i qartë me pushtetin dhe konflikt interesi. Boris Johnson duhet ta shkarkojë”.