Ka zgjatur vetëm pak minuta frika nga fotot e fiksuara në Tiranë ku shfaqen disa persona sipër automjeteve, me veshje të zeza të ngjashme me ato të militantëve të Shtetit Islamik. Pasi fotot bënë xhiron e mediave, kanë nisur edhe verifikimet nga ana e Policisë së Shtetit.
Nga verifikimet e kryera rezulton se këta persona ishin duke kryer një videoklip artistik.
Sipas Policisë nuk duhet të ketë panik pasi situata u sqarua.
*****
Disa foto të fiksuara në Tiranë kanë përhapur panik. Në zonën e unazës së madhe, që të çon në daljen nga kryeqyteti, drejt Elbasanit shihen disa persona të mbuluar që qëndrojnë mbi automjte. Veshjet e këtyre personave duken mjaft të ngjashme me ato të militantëve të ISIS.
Edhe deputetja Mesila Dodaka reaguar nëpërmjet një postimi në “Facebook” ku deklaron se këto pamje i ka fiksuar nga automjeti i saj.
“Sot para makines time… Nese eshte reklame apo ndonje realizim artistik a forme tjeter arti e gjej te nje shije tejet te keqe…”, shkruan deputetja Doda.
