11 prilli shënon ditën kur ka ndërruar jetë diktatori Enver Hoxha, një ndër më të egrit në Europë.
Vdekja e tij u shoqërua me një histeri kolektive, siç e tregojnë edhe këto foto.
Edhe pse një nga diktatorët më të egër, ende e sot e kësaj ditë ai ka nostalgjikë të shumtë, gjë që shumë e justifikojnë me faktin se ata që erdhën pas Enverit, vodhën dhe e shkatërruan Shqipërinë më keq se ai.
Ndërsa sot, ne 37-vjetorin e vdekjes, diktatori Enver Hoxha duket se u braktis edhe nga nostalgjikët e tij dhe të regjimit komunist. Ndryshe nga vite të tjera kur dhjetëra prej tyre shkonin për t’i bërë homazhe, këtë 11 prill në varrezat e Sharrës ishin të paktë njerëzit pranë varrit të diktatorit.
Të pranishëm ishin edhe djali i Enver Hoxhës, Iliri me bashkëshorten Teutën, të cilët ndaluan për pak çaste dhe përshëndeten nga kamerat. Në sfond dëgjohej kënga “Për ty atdhe”, një ndër të preferuarat e Enver Hoxhës.
Mbi varr një kurorë e madhe me lule i dedikohej komandantit të përgjithshëm të luftës Antifashiste Nacional Çlirimtare. Lule kishte edhe në varrin e gruas së tij Nexhmije Hoxha e cila vdiq 2 vjet më parë./m.j
