Një djalë 12-vjeçar duket se ka zgjidhur misterin e armëve me rreze të përshkruara në imazhet e disa shekujve më parë, duke krijuar atë që quhej “rrezja e vdekjes” e përshkruar dikur nga Arkimedi.
Arkimedi besohet se ka përdorur një seri pasqyrash për të përqendruar dritën e diellit në anijet armike që afroheshin, duke i ndezur ato në flakë.
Shumë studiues përfshi dhe filozofin francez René Descartes, e konsideronin trillim.
Por nxënësi kanadez Brenden Sener ka realizuar një imitim të rrezes së vdekjes duke përdorur pasqyra të harkuara dhe llampa LED duke provuar se mund të funksionojë.
Brenden krijoi një version në miniaturë të rrezes dhe zbuloi se duke fokusuar burimin e nxehtësisë 50-watt mbi një karton, temperatura rritej me shtimin e pasqyrave.
Zbulimi tij është i ngjashëm me atë të studiuesve të Massachusetts Institute of Technology në SHBA, që krijuan një kopje të armës së Arkimedit dhe zbuluan se rrezja e vdekjes mund të ndizte në flakë një anije të drunjtë në 11 minuta.
Sipas tyre një burim nxehtësie me disa pasqyra të fokusuara në objektiv me kënd të saktë, mund ta ndezin atë”, thuhet në artikullin e Canadian Science Fair Journal.
Brenden ka marrë disa çmime fizike dhe inxhinierie nga shkolla Matthews Hall, nga panairi shkencës Thames Valley në Londër./Metro.co.uk/
