Persona ende të paidentifikuar kanë sulmuar me gur autobusin e linjës Vjenë-Prishtinë. Ngjarja ka ndodhur në Krushevac të Serbisë, por fatmirisht asnjë prej pasagjerëve nuk është plagosur. Siç shihet edhe në foto, autorët kanë qëlluar me gur duke thyer xhamin ne autobusit.
Pronari i kompanisë së autobusëve, Bexhet Bici, ka thënë për KTV-në se ky nuk është rasti i parë që autobusët e kësaj kompanie janë sulmuar në Serbi.
Ai ka thënë se rasti i parë ka ndodhur para nëntë ditëve, por ata nuk e kanë lajmëruar rastin në media, me arsyetimin se ka mundur të jetë i rastësishëm.
Bici ka thënë se ata e kanë njoftuar edhe policinë në Krushevac, por u kanë thënë se për shkak se sot është fundjavë nuk mund të bëjnë asgjë për rastin. Bici ka thënë se janë të shqetësuar për këto sulme që po u ndodhin, ndërsa ka shtuar e kanë nisur një autobus nga Prishtina për t’i marrë udhëtarët./a.ç
