Në prag zgjedhjesh të gjithë bëjnë sikur punojnë, por në Tiranë as në prag zgjedhjesh nuk po punohet siç nuk u punua për 4 vjet me radhë.
Mirëpo, sot Lulzim Basha, në ditët e fundit si kryetar i Bashkisë së Tiranës, paska nevojë për një të shtyrë që të bëjë diçka për qytetin dhe mesa duket, Veliaj e “shtyeu”. Erion Veliaj, i cili sot pasdite, si çdo pasdite tjetër, kishte vendosur të inspektonte njësinë nr. 7 në Tiranë, ka bërë që Bashkia të veprojë që mos ta zërë “gafil” kandidati i majtë.
Me ta marrë vesh lajmin, Bashkia e Tiranës është hedhur në aksion. Ka nisur drejt vendngjarjes makinat e mbledhjes së plehrave, që koinçiduan pak minuta pasi në zonë u shfaq Veliaj, dhe rrëmuan me kujdes çdo kazan plehrash, siç e tregojnë edhe fotot.
Por, a është ky modeli që i duhet Tiranës? A është ky modeli i punës që duhet të ndiqet në një qytet milionësh? Sigurisht që jo.
