Kreu demokrat Lulzim Basha ishte dje i pranishëm në Maltë ku ndoqi punimet e kongresit të Partive Popullore Europiane.
Partia Demokratike njoftoi dje se Basha u takua me kryeministrin hungarez Viktor Orban ndërsa ky i fundit njihet për qëndrimet e tij ekstremiste ndaj emigrantëve.
Por në planet e transmetuara në media, Basha duket se ka zgjedhur të ulet pranë Nikolla Gruevskit. Lideri i VRMNO-DPMNE është shkaktari kryesor i krizës politike në Maqedoni ku është bllokuar edhe formimi i qeverisë së re. Gruevski kundërshton fort përfshirjen e partive shqiptare në qeverisje me një platformë pro-shqiptare.
Punimet e PPE ditën e djeshme arritën në konkluzionin se Partia Demokratike duhet të dalë nga çadra dhe t’i ndjekë në rrugë institucionale pretendimet e saj. Votimi i rezolutës në fjalë u braktis nga Basha. /javanews/b.d
