Çudirat shqiptare nuk kanë fund, dhe aq më tepër kur vjen fjala tek qarkullimi rrugor dhe tek gjobvënia. Këtë radhë një foto e postuar në rrjetet sociale nga faqja Harta Dixhitale, tregon shqetësimin e një qytetari i cili është gjobitur se ka parkuar makinën e tij Smart.
Por edhe pse ky automjet shquhet për faktin e parkimit të lehtë të tij në mënyra nga më të ndryshmet, qytetari sërish është gjobitur.
“Kjo gjëja që quhet Smart është gjobitur nga efektivi me emrin z. Bujar për parkim jo korrekt në zonën pranë Xhykatës (Gjykatës). Si mendoni ju a ka patur të drejtë z. Bujar për këtë konstatim dhe masë ndërshkimore, apo kemi të bëjmë me një abuzim nga ana e tij?!!!” shkruan portali Harta Dixhitale e Aksidenteve Rrugore.
