Kryeministri i Serbisë Aleksandër Vuçiç ia ka dalë të ia kalojë më në fund kryeministrit shqiptar Edi Rama. Bëhet fjalë për një “luftë” të vjetër mes tyre, dhe që është komentuar mjaft nga mediat serbe në të kaluarën, kush është më i gjatë nga të dy kryeministrat.
Në fotot e publikuara gjatë pritjes ceremoniale të Vuçiç në Pallatin e Kongreseve bie në sy fakti se kryeministri serb çuditërisht rezulton më i gjatë se ai shqiptar. Kjo është e çuditshme për faktin se në takimin e mbajtur në Beograd, Rama ishte më i gjatë se homologu i tij, por e kundërta duket në Tiranë.
Në atë kohë mediat serbe folën për një taktikë të kryeministrit Rama i cili sipas tyre kishte veshur këpucë me pak takë për të dalë më i gjatë. Por nuk mund të thuhet ende nëse këtë taktikë e ka bërë edhe Vuçiç në Tiranë për “t’u hakmarrë”.
