Protesta e sotme e opozitës u shoqërua me konfrontime me punonjësit e Policisë së Shtetit dhe asaj bashkiake. Por videoja dhe fotot e shpërndara ku tregonin se deputeti Gent Strazimiri mbante në brez një armë përqendruan vëmendjen totalisht tek kjo çështje.
Deputeti mbante një armë që sipas një shkrese të policisë ai duhet ta kishte dorëzuar me kohë, pas ndryshimit të ligjit për mbajtjen e armëve nga funksionarët e lartë.
Jo vetëm arma, por edhe konfrontimi i Strazimirit me policinë u vu re gjatë protestës. Kjo foto më poshtë, tregon momentet kur Strazimiri ka bërë dorën në grusht, por është bllokuar nga një polic bashkiak.
