Rruga e plazhit në Durrës mban emrin “Pavarësia”. Në dy anët e rrugës vrullshëm kanë lulëzuar dhjetëra e qindra biznese me emra nga më të ndryshëm. Sapo kalon stacionin e parë të Plazhit, të bie në sy një emër i veçantë “Rexhep Tayip Erdogan”.
Diçka e pazakontë në këtë kohë biznesi, pasi shumë emra lokalesh kanë emra perëndimore si Miami, Vivas, apo Amerika.
Në kohën që Turqia ka përjetuar grushtin e shtetit para pak javësh dhe presidenti Erdogan e ka përballuar duke shtypur në kohë, duke sfiduar tradhtarët, në Durrës kanë menduar që të nderojnë presidentin turk duke i vendosur një dyqani që mban emrin e tij.
Ai ofron shërbime 24 orë picash për klientët e saj, e në hyrje të derës shkruan: “Ndalohet hyrja me rroba banje”. Tashmë ithtarët e Erdogan shfaqen dukshëm dhe në Shqipëri, ku nuk kanë ngurruar që të përdorin emrin e tij në shërbimet kryesore të njësive tregtare.
Por në rrugën e plazhit, “Pavarësia”, ka edhe emra të tjerë dyqanesh turq, si “Sulltan Bakllava” apo hotel “Antalya”. Veçse “Antalya” shqiptare ofron një panoramë tjetër nga ajo që ndodhet në Turqi, nuk është ai i plazhit, por ai i betoneve dhe i shumëkatëshe, shkruan Shqip. Televizionet shqiptare prej kohësh janë pushtuar nga telenovelat e filmat turk.
Mbase ndonjë biznesmeni shqiptar mund ti shkojë ndërmend t’i vendosë emrat e dyqanit të tij “Ezel”, “Ertugrul” “Jasemin” apo “Polat Alemndar”./a.k
