Pas “furtunës” së pak muajve më parë që çoi edhe në përjashtimin e tij nga Partia Socialiste, Tom Doshi duket se është penduar për kritikat e tij dhe po mundohet të bëjë paqe me “mikun” e tij Edi Rama. Për të ia arritur kësaj si dhe për të qenë sërish pjesë e PS, ai duket se ka zgjedhur Kreun e Grupit Parlamentar Gramoz Ruçi.
Pikërisht me këtë të fundit ai është fotografuar duke pirë një kafe ditën e sotme, teksa ende nuk dihet se për çfarë mund të kenë biseduar. Doshi dhe Ruçi pa asnjë ndërmjetës në tavolinë kanë qëndruar së bashku për gati 1 orë dhe më pas qetësisht janë larguar normalisht pa bërë asnjë koment. ky është takimi I parë edhe pse informal mes Doshit dhe një zyrtari të lartë socialist që prej momentit kur u përjashtua pas akuzave që lëshoi ndaj Ilir Metës dhe Edi Ramës.
Megjithatë pas pretendimeve për një atentat të mundshëm ndaj tij muaj më parë, Doshi u rikthye në vëmendjen e opinionit publik me përkrahjen e dhënë kandidatit të PS në Vaun e Dejës, por që pavarësisht kësaj e majta nuk arriti ta fitonte këtë bashki.
Javën e kaluar Doshi u rikthyer edhe në Kuvend që pas historisë së tij me atentat, ku u ul në vendin e tij të zakonshëm, në krah të PS.
