Trajneri italian i kombëtares shqiptare Xhani De Biazi është zyrtarisht shqiptar. Kjo pasi ditën e sotme, atij i është dorëzuar pasaporta shqiptare.
Vetë tekniku italian ka komunikuar këtë lajm përmes rrjeteve sociale duke postuar edhe dy foto të pasaportës me shënimin: “Sot më dorëzuan pasaportën shqiptare”.
Në muajin mars, presidenti Bujar Nishani dekretoi shtetësinë shqiptare për 58-vjeçarit, duke i plotësuar dëshirën që ky i fundit kishte shprehur para ndeshjes me Armeninë në Elbasan.
Dorëzimi i kartonit të pasaportës mund të konsiderohet si një dhuratë për ditëlindjen e 59-të të trajnerit, që i mbush më 14 qershor.
