Drejtori i Forcave Operacionale, Artion Duka ka ironizuar sot trupin gjykues të kryesuar nga gjyqtari Arjan Aliaj, teksa ka mbërritur në seancë me një valixhe brenda së cilës ndodhej një “pajisje përgjimi”. Në foton e mëposhtme të siguruar nga Shqiptarja.com duken momentet e mbërritjes së Dukës në gjykatë. Kjo ka qenë një formë proteste e zyrtarit të Policisë së Shtetit i akuzuar nga Prokuroria si i përfshirë në skandalin e përgjimeve me pajisjen e Interforcës italiane “IMSI Catcher”. Gjatë seancës, mësohet se Duka ka hedhur poshtë akuzat në adresë të tij.
Gjyqtari Arjan Aliaj i vënë në qendër të akuzave ditët e fundit për çështjen e përgjimeve, pasi pezulloi nga detyra kreun e Policisë së Shtetit dhe masën e dhënë ndaj dy zyrtarëve të Policisë, Artion Duka e Entiol Xhelilaj, nuk është tërhequr nga qëndrimi i tij, duke mosndryshuar masën ndaj dy zyrtarëve, të cilët do vazhdojnë të mbeten në arrest shtëpie./a.m.
(Drejtori i Forcës Operacionale, Artion Duka, me valixhe në dorë duke hyrë në seancën e gjyqit)
