Policia Italiane ka bëtë të ditur se ka arrestuar një shqiptar 34-vjeçar, pasi akuzohet për vjedhje. Mësohet se i riu i identifikuar si Blerim Sheshi, kishte qenë anëtari i një bande shqiptarësh të cilët vidhin vila në Itali.
Banda e shqiptareve perbehej nga Blerim Sheshi (1983), Eduart Kaca (1987) dhe Brendon Balla (1995). Pas seancës gjyqesore, Kaca u dënua me burg, ndërsa dy të tjerë u lane me arrest shtëpiak. Sipas mediave italiane, shqiptarët nën kërcënimin e armës arrinin të vidhnin vila dhe shtëpi në Itali.
Hetimet e ndërmarra nga policia në Livornos kanë bërë të mundur arrestimin e tij, pasi më parë ishte në arrest shtëpiak, por ai e ka shkelur këtë masën, dhe kishte vjedhur një makinë në një shtëpi, dhe ishte zhdukur, por me ndihmën e policisë në Frascati u bë sërish i mundur arrestimi i tij.
Policia e kishte Sheshin nën kontroll, dhe ata kuptuan se ai ishte kthyer në provincën e Livorno, ku kanë vënë re se ai ishte përgjegjësi për një tjetër grabitje ku një 51-vjecari i cili kishte ikur me pushime i kishte vjedhur 500 € dhe një makinë Suzuki. Gjatë rrjedhës së ngjarjes policia ka gjetur mallrat e vjedhura, te cilat ia ka kthyer pronarit të ligjshëm bashku me Suzuki. Sheshi ndodhet tani në burgun e Livorno.
