Fotoja e ëmbël e një foshnjeje që buzëqesh ka bërë xhiron e internetit për shkak të historisë prekëse që qëndron pas saj. Vogëlushja me emrin Aubrey, shihet e mbështjellë me një palë doreza motorri dhe në sfond një skafandër.
Ato i përkisnin babait të Aubrey-t, një i apasionuar pas motorrëve që është ndarë nga jeta vetëm një muaj përpara se ajo të lindte pasi u qëllua me armë zjarri. Kur fotografja Kim Stone po përgatitej të bënte setin fotografik, ajo vendosi të përfshinte pajisjet e motorrit të të ndjerit, duke qenë se ishte pasioni i tij i madh, që shpresonte ta ndante me të bijën kur ajo të rritej. Dhe teksa e ka mbështjellë vogëlushen me dorezat e të atit, ndodhi magjia.
“E mbështeta aty dhe vura skafandrën pas saj. Dhe sapo vendosa dorezën poshtë kokës së saj, ajo filloi të qeshte,” ka thënë Stone. Ndërkohë, nëna e saj, qëndronte pas fotografes duke qarë.
“Ai gjithmonë vishte pajisjet mbrojtëse… ai nuk mund të rrezikonte me vajzën që priste të vinte në jetë. Por ai nuk do të mundë dot ta mbajë në krahë vogëlushen e tij,” ka thënë Stone në një deklaratë prekëse. Fotoja menjëherë ka bërë xhiron e internetit, duke marrë me mijëra komente nga përdoruesit e prekur të rrjeteve sociale./Anabel/a.m.
