Në rrjetet sociale ka qarkulluar gjatë ditës së sotme një fotot e djalit të deputetit socialist Pandeli Majko, Gjergjit, i cili përshëndeste me dy gishta.
Kjo foto ka sjellë reagime të shumta dhe nga shumë socialistë u komentua si tradhti.
Fotoja u publikua nga Nevila Xhindi e cila thotë: “Me studentët…Nga Shkodra përshëndesim protestën!”
Por ka ardhur edhe reagimi i deputetit socialist Pandeli Majko.
“Një foto e djalit tim e nxjerrë në rrjetet sociale nga pedagogia e tij për përkrahjen e protestës së opozitës ka krijuar keqkuptime.
Dëshiroj të marr përgjegjësinë time si prind përballë cdo socialisti dhe djemve e vajzave që besojnë tek Partia Socialiste. Sepse përgjegjësia në cdo rast është edhe e imja. Edhe, pse fotoja është bërë në një mejdis humori dhe miresjelljeje. Ka gjëra me të cilat humori është i tepërt”, – shkruan Majko në reagimin e tij.
