Eduard Selami e ka quajtur si joserioze publikimin e fotos së Bashës me presidentit Donald Trump dhe jehonën e madhe që iu bë asaj.
Ai shprehet se Basha nuk e ka mbështetjen e ndërkombëtarëve, dhe se në kohën kur Basha bënte foto me Trumpin ai po qante hallet me drejtorët kryesorë e Shtëpisë së Bardhë.
“Unë nuk i jap peshë asaj fotoje. Është qesharake ajo që bën Lulzim Basha që del e u thotë se dola në fotografi. Le të bëhemi seriozë. Asnjë progres në Shqipëri nuk bëhet nëse nuk kemi partneritetin e Brukselit-Berlinit dhe Uashingtonin. Ky nuk e ka, ky njeri nuk është serioz, as nuk e besojnë dhe as nuk mban fjalën. Ka foton e Trumpit dhe merr mbështetje.
Unë s’jam ky. Kur ai bënte foto me Trump, unë isha me drejtorët kryesorë e Shtëpisë së Bardhë dhe qanim hallet dhe për partinë time dhe për të tjerët. Kjo është e vërteta, nuk është servilizëm. Ata do më votojnë mua si njeri që do të sjell një alternativë për Shqipërinë”, deklaroi Selami.
