Momente qesharake të kafshëve të egra janë kapur nga fotografë nga 52 vende të botës, të cilët kanë garuar për fotografinë më të mirë komike të botës së egër. Juria e “Comedy Wildlife Photography Awards” është dashur të zgjedh 45 finalistët nga 1502 fotografi nga konkurrent prej 52 vendeve të botës, transmeton Koha.net shkrimin e CNN.
“Nuk më besohet sesa shumë garues ka pasur në vitin e parë, nga kaq shumë vende të botës, është shumë emocionuese. Përzgjedhja e tyre ishte me të vërtetë shumë e vështirë, pasi ka pasur fotografi shumë të mira, kurse të përzgjedhësh vetëm 45 prej tyre për t’i dërguar në finale ishte shumë e vështirë. Besoj se njerëzit e kanë pëlqyer shumë këtë garë, diçka me të vërtetë ndryshe. Ky organizim i ka tejkaluar pritshmëritë në vitin tonë të parë”, ka thënë Paul Joynson-Hicks, themelues këtij çmimi.
Sipas rregullave, të gjitha fotografitë duhej që të ishin të bëra në natyrë, dhe jo në kopshte zoologjike. Fituesi i kësaj gare do të shpallet më 11 nëntor.
