Imazhi i një babai sirian ndërsa përqafon me lot në sy djalin dhe vajzën e tij në një plazh të Greqisë është kthyer në hit në internet.
Fotografia e Laith Majid, e shkrepur nga Daniel Etter rreth orës 4:30 të mëngjesit në një plazh të ishullit Kos në Greqi, ka provokuar një reagim të fortë ndaj përshkrimeve jonjerëzore rreth emigrantëve.
Etter, reporteri i pavarur 34-vjeçar, rrëfen se nuk është prekur kurrë kaq shumë nga një imazh.
Ai arriti të njohë këtë familje të klasës së mesme nga qyteti sirian Deir ez-Zor.
Familja, që ka duruar për vite me radhë bombardimet nga qeveria siriane, forcat rebele dhe së fundmi nga ISIS, shpresonte për një jetë më të mirë në Gjermani.
Etter, i vendosur në Barcelonë, por që aktualisht fotografon turistët përgjatë kufijve të Bashkimit Europian, ka punuar si mësuese anglishteje.
Ai tha për Spiegel Online se familja me katër persona, së bashku me 8 të tjerë, erdhën me një gomone të projektuar vetëm për tre persona.
“Pas më shumë se dy orësh, varka s’kishte më ajër, filloi të fuste ujë. Refugjatët ndodheshin në ujë kur mbërritën në breg. Por fatmirësisht, mbërritën të sigurt”, tha ai.
“Në atë moment ata u gëzuan që ia dolën, dashuria për familjen, dhe pikëllimi për atë çka kishte ndodhur”.
Më vonë familja qëndroi në një tendë të improvizuar në një tjetër plazh në ishullin Kos, përpara se të ngjiteshin në bordin e Eleftherios Venizelos të krijuar nga autoritetet greke për procesin e refugjatë sirianë.
Etter tha edhe pse ai punon si fotograf, duke qenë dëshmitar i shumë skenave emocionuese, asnjë foto nuk e kishte prekur kaq shumë.
“Nuk më ka ndodhur kurrë më parë një gjë e tillë”, tha ai për Spiegel Online.
Sipas lajmeve numri i emigrantëve për të arritur në Europë është rritur ndjeshëm me një rekord të lartë prej 107.500 vetëm në muajin gusht./TemA/
