Kryeministri Edi Rama në një intervistë në News 24 me gazetarin Sokol Balla, ka sqaruar takimin dhe foton e bërë me ish-presidentin Barack Obama, për të cilën është akuzuar nga opozita, e cila i ka kërkuar Prokurorisë hetim.
“Kjo është një çështje e hetuar dhe e gjykuar në SHBA dhe unë po të kisha lidhje me këtë çështje nuk do isha një person tërësisht i papërfshirë, i pa pyetur dhe i pakonsideruar gjëkundi nga ana e drejtësisë amerikane.
Kjo vjen si përpjekje për rikompensuar në sytë e publikut një çështje tjetër të hapur, shkelje flagrante e ligjeve shqiptare dhe me përfshirje të aktorëve të tretë përmes financimit të PD.
Është thjesht një lojë politike dhe nuk më intereson.
Unë nuk kam marrë pjesë në asnjë eviniment, kam bërë një foto me presidentin e SHBA-ve dhe kaq”, deklaroi Rama.
Ai tha se nuk ka lidhje me asnjë pagesë për të cilën akuzohet nga Partia Demokratike.
/a.r
