Ish-kryeministri i Kosovës, Avdullah Hoti ia ka dorëzuar detyrën kryeministrit të ri të vendit, Albin Kurti.
Ceremonia e pranim-dorëzimit është bërë në Qeverinë e Kosovës.
Kurti e ka pranuar detyrën e re nga ish-kryeministri Avdullah Hoti, ku i është dorëzuar dhe dosja e punës.
Qeveria e Kosovës e udhëhequr nga Albin Kurti është votuar ditën e hënë.
Për votimin e Qeverisë Kurti 2 kanë votuar 67 deputetë, kurse kundër 30.
Kurti në kabinetin e tij do të ketë zëvendëskryeministër Besnik Bislimi, Donika Gërvalla zëvendëskryeministre dhe po ashtu do të udhëheq Ministrinë e Punëve të Jashtme dhe Emilja Rexhepi zëvendëskryeministre.
Pas mbledhjes së Qeverisë, Kurti do të vizitojë kompleksin memorial “Adem Jashari” në Prekaz.
Ndërsa, pasdite do takohet me ambasadorin e BE-së në Kosovë, Tomas Szunyog.
Albin Kurti është emëruar dje kryeministër duke marrë 67 vota të deputetëve të Kuvendit.
g.kosovari
