Foto/ Xhelal Mziu pret zyrtarët me Sali Berishën “mbi kokë”
Per kryetarin e Bashkisë Kamëz Xhelal Mziu, ish-kryetari i Partisë Demokratike Sali Berisha është një nga figurat historike të kombit shqiptar, ndaj edhe fotografia e tij vihet krahas Skënderbeut, Ismail Qemalit dhe Nënë Terezës.
Kryetari i Bashkisë se Kamëz, Xhelal Mziu, ka pritur sot në një takim z. Frank Fahy, kryetar i Bashkisë Galway, Irlandë.
Në këtë takim dy kryebashkiakët kanë firmosur marrëveshjen e bashkëpunimit mes dy bashkive në kuadër të binjakëzimit mes Kamzës dhe Galway-t për të cilën u ra dakord sot.
Kryebashkiaku Mziu i akordoi po sot z. Frank Fahy, kryetar i Bashkisë Galway, Irlandë, titullin “Mirënjohja e qytetit”.
Por ajo që binte në sy në fotografitë zyrtare ishte se gjatë ceremonisë në murin e sallës së bashkisë Kamëz midis fotografive të Ismailt Qemalit e Nënë Terezës qëndronte ajo e Sali Berishës, liderit historik të PD.
