Kreu i Bashkisë së Kamzës, dhe njëherësh kandidati i PD për këtë bashki Xhelal Mziu zgjedhj gjithnjë një mënyrë të veçantë për të qenë në qendër të vëmendjes.
Këtë radhë nuk bëhet fjalë për probleme me drejtësinë, dhe as për akuza të ndërsjellta me mazhorancën. Në fakt Mziu ka marrë pjesë në turneun e karatesë që është zhvilluar në Kamzë.
Kryebashkiaku ka ndarë çmimet dhe certifikatat tek sportistët.
“Dua të falënderoj të gjitha ekipet pjesëmarrëse, dua të falënderoj përzemërsisht të gjithë pjesëmarrësit e qytetit të Kamzës, por edhe prindërit e tyre, të cilit u mundësuan për të qenë pjesë e këtij sporti”, – kanë qenë fjalët e z. Mziu, i cili ka premtuar se jeta sportive dhe kulturore e qytetit do të vijë gjithnjë e në rritje, si nga numri i veprimtarive, por edhe për sa i përket infrastrukturës. Në këtë aspekt, ai tha se në vitet që vijnë do të bëhet realitet edhe ndërtimi i pallatit të sportit, më moderni në vend”, tha Mziu.
Turneu i dytë ndërkombëtar “Kamza Karate Open 2015” është realizuar nga Bashkia Kamëz. Në turne morën pjesë ekipe nga Shqipëria, Kosova, Mali i Zi, Maqedonia dhe Greqia.
