Kreu i policisë Tiranë, Ervin Hodaj, bëri të ditur sot dinamikën e atentatit ku mbetën të vdekur Aurora Oskian dhe Kevin Rugova. Sipas tij, gjithashtu dy persona janë vënë në pranga nën cilësinë e autorëve të ngjarjes, ndërkohë që edhe i plagosuri Elvis Gaçaj ndodhet i arrestuar.
Këtij te fundit i janë gjetur një sasi droge si dhe peshore gjatë kontrollit të ushtruar.
Hodaj tha se shkak për atentatin kanë qenë pazaret e drogës mes autorëve dhe Elvis Gaçajt, ndërsa të prangosurit quhen Sael Sulaj dhe Vasjel Çavo
‘Në orën 19:40 dy persona të pajisur me pistoletë TT dhe automatik Kallashnikov janë fshehur brënda dy hyrjeve të pallateve pranë makinës duke pritur Elvis Gaçajn’ – tha kreu i bluve.
Pas vrasjeve, dy autorët e atentatit te lulishtja ‘1 Maji’ mësohet se i hodhën armët në lumin e Lanës ndërsa policia është ende në kërkim të armës së dytë të përdorur në krim.
