Policia e Fierit, RENEA dhe FNSH që prej ditës së djeshme vijojnë kërkimet dhe krehjen e zonës, për lokalizimin dhe vënien në pranga të 23-vjeçarit që ekzekutoi me armë efektivin e forcave “Shqiponja”.
Një operacion është duke u zhvilluar në fshatin Pojan, pranë fshatit Baltëz ku ndodhi vrasja, pasi dyshohet se Azgan Mernica fshihet aty.
Ai arriti t’ia mbathte menjëherë pas krimit të rëndë. Ndërkohë policia ka vënë 30 mijë euro shpërblim për këdo që jep informacion të vlefshëm për kapjen e vrasësit të Novruz Cenalisë.
Mernica ndërkohë, duket se ka edhe mbështetje politike, pasi ka qenë pjesë e stafit të Luan Baçit, deputetit të PD. Ose siç e quante Sali Berisha në atë kohë: Struktura e Mbrotjtes së Votave.
Si Mërnica, pjesë e SMV ishte edhe Arbër Paplekaj, një tjetër personazh që përgjaku zgjedhjet duke vrarë Pjerin Xhuvanin.
“Me te tille djem, ka vetem fitore!
Jemi gati, per mbrojtjen e votes!
Azgan Mernica
Shkelzen Selaci
Pajtim Gashi
Marjus Sheka
Brahim Gashi”, shkruan deputeti i Berishës, Luan Baçi disa vite më parë, duke postuar foton e mëposhtme.
