Pasi u zbulua se letrat e tij të identitetit greke ishin false, doli më pas fakti se shofer ishte në fakt krimineli shqiptar i cili renditej në listën e emrave më të kërkuar të Interpolit.
Mahmutaj kërkohet për një vrasje dhe tregti të armëve ushtarake.
Sipas mediave, 41-vjeçari u kap rastësisht pranë Roterdamit.
Autoritetet ishin duke kontrolluar pikërisht për mjetet qe jepeshin me qira nga kjo kompani e dyshimte, kur ndaloi për kontroll makinën e shqiptarit.
Pas verifikimeve, u zbulua se 41-vjeçari kërkohet nga autoritetet shqiptare. Hektor Mahmutaj është dënuar në Shqipëri me 25 vite burg për vrasjen e një bariu në Fier 18 vite më parë.
Mahmutaj u dënua në mungesë në tetor të vitit 2000 me në 25 vjet burg për vrasjen e bariut 28-vjeçar Gentian Jahaj në fshatin Bejar, kur ky i fundit nuk i kishte hequr bagëtitë e tij nga rruga.
Mahmutaj iku në Mbretërinë e Bashkuar, ku u dënua me dy vjet e gjysmë burg në vitin 2007, kur policia gjeti një pushkë të palicensuar në posedim të tij.
Ndërsa ishte në burg, ai u informua se kërkesa për ekstradim e Shqipërisë ishte refuzuar me arsyetimin se dërgimi i tij në vendlindje do të shkelte të drejtat e tij njerëzore.
Pritet që qeveria shqiptare tani do të paraqesë një kërkesë ekstradimi në Holandë në mënyrë që Muhmataj të mund të vuajë dënimin e tij 25-vjeçar.
a.ç
