Ndeshja mes Shqipërisë dhe Maqedonisë, që do të luhet në stadiumin “Loro Boriçi” për eliminatoret e kualifikueseve të botërorit “Rusi 2018” ka mbushur rrugët e qytetit të Shkodrës me flamuj dhe simbole kombëtare. “Rruga e Gjere”, nga sheshi i ish-5 Heronjve deri tek stadiumi, është zëne nga flamujt, kapelet dhe fanellat e lojtarëve të kombëtares, duke krijuar një atmosferë të mrekullueshme në qytet.
Një pjesë e tifozëve kuqezinj kanë mbërritur në Shkodër dhe kane nisur festimet në rrugët e qytetit. Për këtë ndeshje të para eliminatore pritet që stadiumi i rikonstruktuar “Loro Borici” të jetë i tejmbushur me tifozë.
ma.me
