Njerëzit do të jenë shumë ndryshe pas 1000 vitesh. Ndryshimi i klimës, inteligjenca artificiale dhe mutacionet gjenetike do të transformojnë trupin tonë në mënyrë drastike.
Në video tregohet se njerëzit do të kenë sy të kuq për shkak të mutacioneve në ADN, lëkurë më të errët, si një reagim evolucionar ndaj ngrohjes globale.
Videoja e krijuar nga AsapScience me bazë në Kanada, përshkruan një skenar hipotetik, në të cilën organet tona do të jenë gjysëm organike dhe gjysëm robotike.
Nanobotët e ardhshëm, ose mikrorobotët do të integrohen në trupat njerëzorë duke rritur aftësitë. Ndërkohë, projektuesit e foshnjave do të shkaktojnë, që brezat e ardhshëm të rriten më inteligjentë dhe fizikisht më tërheqës.
“Por, ndërsa kjo do të na bëjë më të mirë, më të zgjuar, më të fortë dhe më të mirë në kërkime, ngjashmëria gjenetike, ose mungesa e diversitetit njerëzor do të sjellë të gjithë zhdukjen e racës njerëzore”, thuhet në studim. Duke qenë që temperaturat po rriten dhe ngrohja globale është e pashmangshme, njerëzit priten të jenë më të dobët dhe më shtatlartë, pasi kjo formë trupi është në gjendje të durojë nxehtësinë.
Sipas Dr. Alan Kwan, i cili mban një doktoraturë në gjenomet kompjuterike në Universitetin e Uashingtonit në St.Louis, fytyrat tona mund të ndryshojnë në mënyrë dramatike. Ai ka krijuar një seri imazhesh mahnitëse, të cilat shfaqin një evolucion të mundshëm për racën njerëzore në 100,000 vitet e ardhshme. Dr. Kwan beson se çelësi për evolucionin tonë në të ardhmen do të jetë njeriu që përshtat evolucionin natyral sipas nevojave biologjike.
Inxhinieria gjenetike do bëhet normë dhe fati i fytyrës njerëzore do të përcaktohet gjithnjë e më shumë nga shijet e njeriut ndërsa balli do të vazhdojë të zgjerohet, sepse truri do të vazhdojë të rritet, shkruan Dr.Kwan.
Ai beson se sytë do të zmadhohen dhe njerëzit do të jetojnë në koloni sa më larg diellit. Sytë gjithashtu do të zhvillohen në mënyra të tjera, që do të duken befasuese për pikëpamjet tona sot, me karakteristika të reja, duke përfshirë sytë, që shkëlqejnë. Në fakt, deri në vitin 2050, një lloj krejtësisht i ri njeriu do të zhvillohet si rezultat i teknologjisë së re radikale, sjelljes dhe seleksionimit natyror. Kjo sipas Cadell Last, një studiues në Institutin e Trurit Global, pretendon se njerëzimi është duke kaluar nëpër një “tranzicion evolucionar” të madh.tirana observer/a.k
