Dy shqiptarë u ekzekutuan dhe një tjetër mbeti i plagosur rëndë në Bazel. Mediat vendase raportojnë se vitkimat janë identifikuar dhe janë shqiptarë, por nuk u janë publikuar ende emrat. tagesanzeiger.ch raporton se shqiptarët e vrarë janë të moshës 28 dhe 39 vjeç ndërsa shqiptari i tretë që mbeti i plagosur është 24-vjeç.
Rreth orës 20.15 të të enjtes në Bazel, në një lokal me emrin “Cafe 56” janë dëgjuar të shtëna me armë. Si rezultat, janë vrarë dy shqiptarë dhe tjetri mbeti i plagosur, bën të ditur Prokuroria Publike e Kantonit të Bazelit për mediat zvicerane.Dy persona kanë hyrë në lokal dhe kanë qëlluar dhe më pas janë larguar drejt stacionit Badischer Bahnhof në kufi me Gjermaninë. Policia ka ndërmarrë një aksion për arrestimin e tyre por ende nuk ka asnjë gjurmë ndërkohë faqja online zvicerane tagesanzeiger.ch thotë se kjo është një ndër vrasjet më të rënda të ndodhur këto kohë në Bazel.AUTORET
Sipas dëshmive dhe policisë autorët autorët janë të moshës 30 dhe 40 vjeç, me flokë të zinj dhe rreth 1. 75 cm të gjatë. Sipas hetuesve autorët kishin veshur rroba të zeza dhe njëri prej tyre kishte një xhaketë të zezë ose kafe. Nuk dihen shkaqet e atentatit. Deshmitarët thonë se lokali ku ndodhi ngjarja frekuentohej kryesisht nga shqiptarë dhe me dyshime të forta se në të shpërndahej drogë. /ma.me
