FOTO/ Vajza e Eli Farës ndahet pas 6 muajsh nga i dashuri biznesmen, lidhja e Marinës përfundoi pas “bekimit” të këngëtares

Gjashtë muaj pas lidhjes me biznesmenin nga Shkodra, Alis Hysa, Marina Fara, vajza e vetme e këngëtares Eli Fara është sërish “single”. Lajmi është zbuluar nga Panorama Plus që shkruan se çifti është ndarë pas udhëtimit në Dubait. Edhe pse u raportua se ishin të fejuar, marrëdhënia e tyre pësoi një krizë. Fotot e tyre bashkë janë fshirë nga profili i Marinës në Instagram, e cila e hoqi foton e saj me 40-vjeçarin në makinë.

Çifti mori vëmendjen e mediave rozë në muajin janar, pas një udhëtimi në Dubai, ku Marina u shfaq me bikini portokalli dhe ishte në krahët e Alis Hysës, vëllait të Nelson Hysës, një emër i njohur për kronikën e zezë.

Marina u raportua se do të martohej me Alisin në një dasmë tradicionale në Shkodër, por tashmë është shkëputur. Marina shihet tashmë kudo me Elin dhe miqtë e tyre. Edhe pse këngëtarja e “bekoi” bashkimin e të dyve përmes një komenti në Instagram, gazeta shkruan se Marina dhe Alis ishin njohur përmes një mikeshe të përbashkët.

Por Dosja.al rikujton një tjetër “episod” që tregon sa e lidhur ishte Marina me Alisin. Emri i saj doli në përgjime, me emrin e parë si Roxhensa Kapurani, gjatë operacionit “Mezhgorani”, ku u ndalua përkohësisht edhe botuesi Henri Çili. Hetimet e grupit u zgjeruan dhe në rrjetën e policisë ra edhe Alis Hysa, vëllai i boksierit Nelson Hysa.

Asokohe u raportua se nga përgjimet që Prokuroria ka bërë gjatë hetimeve, rezulton se Marina ka pasur kontakte të shpeshta telefonike Alis Hysën, njëri nga të ndaluarit dhe se policia dyshonte për një episod ku Marina e kishte ndihmuar atë bashkë me një shok që të largohej.

Ata kanë qënë në ndjekje nga policia, të cilët i detyruan që të braktisnin makinën e mallin. Pasi kanë udhëtuar në këmbë, ata kanë telefonuar Marinën, së bashku me mikeshën e saj që të shkonin e t’i merrnin.  Policia ka ushtruar kontrolle edhe në banesën e saj në Tiranë për të kërkuar për prova që mund ta implikonin në dosje por Marina ka qënë “e pastër.” Për shkak të mospërfshirjes së saj, Prokuroria e Përmetit ka kërkuar për Farën vetëm masën “detyrim paraqitje”.

g.kosovari