Duket se zyrtarët e UEFA-s ende nuk e kanë kuptuar se Shqipëria ka ndryshuar trajner gjatë muajve të fundit dhe njohin ende si teknik të kuqezinjve vetëm bashkëkombësin e tij, Xhani De Biazi.
Kjo shihet qartë edhe nga dokumentet e publikuara në faqen zyrtare të institucionit që drejton futbollin në kontinent.
Në dokumentet me të dhënat e ndeshjes, që mund të shkarkohen nga faqja e UEFA-s, jepet informacion i plotë mbi skuadrat pjesëmarrëse në ndeshjet e kualifikueseve, ku përfshihen sigurisht edhe trajnerët.
Por në vend të biografisë së Panuçit, në informacionin e publikuar sot nga UEFA figurojnë të dhënat e De Biazit, me emrin dhe karrierën e tij, një gafë që me siguri do të korrigjohet para ndeshjes së radhës së Kombëtares kundër Maqedonisë./panoramasport/
a.ç
