Ndoj dhe Mark Shytani janë babë e bir të cilët janë kthyer në Tiranë, pasi ishin mbajtur peng nga piratët në Nigeri. Mësohet se për lirimin e tyre është paguar një shumë e majme parash. Babë bir qëndruan për gati 1 vit në Nigeri, peng i piratëve të cilët kërkon para në mënyrë që shqiptarët të liroheshin.
Anija “STEVIA” u mor peng 51.8 kilometra larg brigjeve të Nigerisë. Babë e bir punonin si marinarë në anijën me pronar shqiptar.
Anija ka flamur bullgar dhe është regjistruar në shtetin e Kamerunit, ku edhe ishte ngarkuar me mallra në Kamerun, e kishte për destinacion portin e Lagos. Pengjet nuk janë dhunuar ndërsa mësohet se kanë qëndruar 4 muaj në Nigeri e më pas janë lëvizur në vende të tjera.
Të afërmit e Shytanit janë shprehur për ‘Faxnews’ se shteti nuk ndërhyu për të sjellë në Shqipëri babë e bir.
“Kanë qëndruar rreth 4 muaj në Nigeri, i kanë lëvizuar sa në një vend në një tjetër për të mos rënë në gjurmë. Janë trajtuar mirë, nuk janë dhunuar dhe ka pasur ushqim e veshmbathje të rregullt ndaj tyre. Janë zhvilluar negociata private dhe është rënë dakord që kundrejt një vlere të konsiderueshme parash, të liroheshin.
Shteti nuk bëri pothuejse asgjë. Asnjë reagim as publik as privat për ngjarjen. Ndoj dhe Marku nuk duan ta ndjekin këtë çështje pasi nuk i shohin ndonjë zgjidhje, çfarë ka ndodhur ka ndodhur”, shprehen te njohurit e tyre./m.j
