Personi në foto është Olsi Sefolli, i cili u kap ditën e djeshme në portin e Durrësit me mbi 100 mijë paund. 21-vjeçari me orgjinë nga Kukësi por që banon në Durrës u kap pasditën e djeshme me 123.460 paund dhe 280 stërlina në makinë.
Olsi Sefolli
Ai akuzohet për veprat penale “Pastrimi i produkteve të veprës penale ose veprimtarisë kriminale”, “Mosdeklarimi në kufi i të hollave dhe sendeve me vlerë” dhe “Kontrabanda me mallra të tjerë. Sipas policisë lekët ishin fshehur në shasinë e një furgoni që sillte mallra nga Britania e Madhe.
Anglia kishte sinjalizuar autoritetet shqiptare që ta kontrollonin mjetin në të pikat kalimit pasi kishin indicie se brenda atij furgoni që erdhi në Durrës me target nga Porti i Ancona-s, fshihej diçka e paligjshme. Specialistët e seksionit për hetimin e krimit ekonomik dhe financiar, në Drejtorinë Vendore të Policisë Durrës kanë hapur furgonin që drejtohej nga shoferi i identifikuar si Olsi Sefolli, 21 vjeç. Ai akuzohet për veprat penale ” Pastrimi i produkteve të veprës penale ose veprimtarisë kriminale”, ” Mosdekalrimi në kufi i të hollave dhe sendeve me vlerë” dhe ” Kontrabanda me mallra të tjerë”.
Në zonën ku ndodhet shasia e mjetit kanë gjetur pakot me para, që siç është raportuar paraprakisht, ishin të ndara sipas porosive për personat që prisnin t’i merrnin. Çështja është nën drejtimin e Prokurorisë së Durrësit dhe për momentin i vetmi i arrestuar është Sefolli. Ai është marrë në pyetje dhe para grupit hetimor ka deklaruar se nuk ka pasur asnjë dijeni për paratë që ndodheshin në furgon dhe se ai bënte vetëm rolin e shoferit.
g.kosovari
